小巧主機內藏 6 單元
Polk Audio 來自美國,1971 年由 Matthew Polk 與幾位熱愛音樂和電子工程的朋友一齊創立,已經有四十幾年歷史。產品以入門和中階影音器材為主,阿熾以往試過的 Polk 喇叭都係平價高質,屬高性價比之選。今次 MagniFi Mini 的 Soundbar 主機真係好「Mini」,尺寸同大家平時見開的 iPod、iPhone 藍牙喇叭差不多,不過就已經內藏了 4 組 2.25 吋中音同 2 組半吋高音單元,配備了 150W 輸出。而配套的超低音喇叭就係無線設計,配備了 6.5 吋低音單元,一駁電開機就識得自動連接,無需額外設定,使用上好方便。而且打直擺放的薄身設計,配合小型 Soundbar 主機,特別適合空間有限的用家,擺廳或者擺房使用都好適合。