夏天又到，我哋平時游水、潛水可能都會想影下相、拍下片，不過無部防水相機、手機就唔成事。多得近年機仔的拍攝質素愈來愈好，令水底拍攝唔使太昂貴器材都可以影到靚相。不過要做到真正「水底攝影師」其實好有難度，來自美國的女攝影師 Jenna Martin 就影過好多水底人像，亦都分享過唔少佢嘅拍攝心得，究竟水底攝影其實有啲咩要求？

水底攝影是一樣很有趣的玩意， 不過實行起來並不容易。Jenna Martin 就話佢自己有個為水底攝影而設的 mindset，睇到咩事物都會想像佢放在水入面會係點樣？要搵 model 影相的話，第一句就會問「你識唔識潛水？」當然，除了想法的不同之外，器材和技術都好重要。

Jenna 的建議是，買器材唔好貪平，因為相機或者潛水殻一旦漏水，輕則影響拍攝、重則報銷，呢樣大家都好易明白。另外，如果影人的話，要對自己同 model 都有耐性，因為在無重狀態之下，加上器材同動作都會變得唔方便，攝影高手都會瞬間變「低手」，要畀時間自己慢慢練習同適應。而 model 在水底要做靚動作亦要花上比陸地上多幾倍、甚至十幾倍的時間，所以耐性好重要，而練習點樣快速捕捉同拍攝當然亦相當緊要。

更多 Jenna 的作品可以在她的 Facebook 睇到。

緊貼最新資訊，請讚好 SPILL Facebook 專頁。