今日較早時間，Bluetooth 技術聯盟（SIG）在倫敦正式公佈了新一代 Bluetooth 5.0 技術，可應用於手機及電腦，無論速度還是傳輸距離都有相當大的提升，預計在今年尾或 2017 年初的產品上就可以見到佢。

比起上代 Bluetooth 4.2LE 版本，Bluetooth 5.0 的傳輸速度提升了一倍，達到了 24Mbps。作為參考，兩聲道的 24bit/192kHz 音樂 bitrate 為，2 x 24 x 192,000 = 9,216kbps = 9.2Mbps。而傳輸距離更提升至 4 倍，理論上可以達到 300 米，比起 Wi-Fi 仲要勁！而且最重要一點是，在提升速度同增加距離的同時，新版本的耗電量比起上一代仲低，實在相當神奇！速度快、距離遠、功耗低，唔知第時可唔可以見到新技術應用到無線 Hi-Res 音樂播放呢？