究竟咩係「aptX HD」?
作為一種應用到藍牙無線音樂傳輸的 codec,近年 aptX 隨住愈來愈多人用藍牙聽歌,應用到愈來愈多手機、耳機,甚至擴音機、喇叭等等器材上,改寫了以往藍牙等於「衰聲」的印象。其實「aptX HD」同呢幾年一直用開的「aptX」一樣係藍牙傳輸音樂時用到的編碼(codec),不過舊有的「aptX Classic」bit-rate 只有 352kbps,而新的「aptX HD」則可以達到 576kbps,音樂訊號以 4:1 的比率壓縮,現時支援 24bit/48kHz 的音樂,亦即係比 CD 音質的 16bit/44.1kHz 仲要高。不過由於始終有壓縮,所以究竟可以去到幾「靚聲」,就真係要試過先知。