唔似得影音介面主要已經被 HDMI「一統天下」，音樂傳輸方面仍有好幾種主流選擇，而「同軸」（Coaxial）就是其中一款主要的數碼介面。不過唔講可能唔知，原來同軸線材由 1880 年至今已經發明超過一百年，不過以往多數用响長距離通訊、電台同電視台網絡、仲有上網連接等等，當然數碼音訊傳輸都係後期主要用途之一，而且仲可以支援高達 24bit/192kHz 的 Hi-Res 音樂！
唔似得影音介面主要已經被 HDMI「一統天下」，音樂傳輸方面仍有好幾種主流選擇，而「同軸」（Coaxial）就是其中一款主要的數碼介面。不過唔講可能唔知，原來同軸線材由 1880 年至今已經發明超過一百年，不過以往多數用响長距離通訊、電台同電視台網絡、仲有上網連接等等，當然數碼音訊傳輸都係後期主要用途之一，而且仲可以支援高達 24bit/192kHz 的 Hi-Res 音樂！
同軸（Coaxial）線材的結構同個名一樣全部係「同一軸心」的設計，中間軸心部分多數係導電銅線、外層係絕緣塑膠、再外面有一層網狀銅或合金導電體，最外面則是絕緣物料外皮。影音用到的同軸線，線材兩邊多數採用蓮花/RCA 插頭，所以有時講到「同軸」亦都係講緊器材的端子。被光纖線取代之前曾經好廣泛用响網絡連接，所以頻寬其實好足夠，甚至可以支援 24bit/192kHz 的數碼音訊傳輸（當然兩邊連接的器材都要支援）。
同軸數碼採用的傳送格式就係 S/PDIF（Sony/Philips Digital Interconnect Format），由 Sony 與 Philips 共同研發（音樂 CD 都係由這兩大品牌合作研發）。兩聲道最高支援 24bit 的無壓縮 PCM 音樂，多聲道則只支援壓縮音訊、例如 5.1、7.1 的 Dolby Digital、DTS 環繞聲效等。而採用 S/PDIF 的介面有「同軸」以及「光纖」兩種，對線材硬件都有一定要求、例如同軸線就係 75 Ω 阻抗。所以有時傳送模擬訊號的 RCA Audio 線（有 50、75、100 Ω 等不同阻抗及設計）都可以插落同軸端子出到聲，不過有機會出現怪聲、變聲的情況，所以通常用返專用同軸線會較合適。
緊貼最新資訊，請關注 SPILL 的 MeWe 專頁、Facebook 專頁、Instagram 帳戶及 YouTube 頻道。如欲訂閱 SPILL Paper 電子通訊可按這裡。
