上一篇請來影音專家 Alan Lee 講解了現時選購 4K 電視要注意的地方，而實際上落舖買機的時候會遇到甚麼情況？又有甚麼地方需要注意？我們今次就親身到 AV Life 屯門店問一問。另外都為大家推介一些現時 $10,000 左右性價比較高的電視，至於有 budget、想享受大畫面的用家，最後都會有不同大尺寸電視介紹。
近幾年 4K 電視已經愈來愈普及，今次就帶大家了解一下現時 4K 電視的發展、市面上的新機有甚麼功能以及要注意的規格，還有入門或者升級用家選購時要留意的地方，等大家可以更容易挑選到適合自己的 4K 電視。
上一篇請來影音專家 Alan Lee 講解了現時選購 4K 電視要注意的地方，而實際上落舖買機的時候會遇到甚麼情況？又有甚麼地方需要注意？我們今次就親身到 AV Life 屯門店問一問。另外都為大家推介一些現時 $10,000 左右性價比較高的電視，至於有 budget、想享受大畫面的用家，最後都會有不同大尺寸電視介紹。
幾時換機最好？原來通常 1 至 3 月係最佳時機，因為每年 4、5 月都有新電視出，「換季」的時候買上一代機當然最抵。當然，其實暑假、聖誕前夕等時間不同舖頭都會有優惠，亦可以趁這些時間買新機。
優惠一般可分成 3 類：特價、陳列品和代理禮品。當中特價好多時都係限時出現，就算新推出機款都有機會有，不過折扣當然相對少一點。另外，陳列品的價格好多時都好實惠，不過數量有限，有時都要「撞手神」先遇到，當然更新換代的時候會比較常見。至於代理禮品的種類就好多，好似 Blu-ray 機、Soundbar 等影音相關的禮品，又或者旅遊禮券、現金券等等，各種各樣。部分禮品有得「折現」，如果真係無需要贈品的話可以問吓係咪有得「扣貨錢」。
至於買機流程方面，一般是客人選擇好電視型號，付款之後約定送貨以及裝機的日期就可以，相當簡單。部分大型店舖的安排可以更靈活，同日送機、裝機可以，分開日子亦得，甚至將送新機的時候將舊機轉送到另一處安裝都可以，當然這些額外服務要額外收費，至於收幾多就視乎複雜程度而定，顧客購買機的時候可問清楚。而買機之後的保養方面，LG、Samsung、Sony 等品牌都是 3 年，而 Panasonic、Sharp 則是 5 年，已包括了上門、人工、Panel、零件等。
而買電視最需要留意的一環，就係收到電視送貨的時候，記得一定要檢查好包裝，如果有破損的情況，就要睇吓機身有無「表面傷痕」，有問題的話記得要「拒收」。因為如果收到的貨件有問題退回的話，安排另外再送機流程會較為省時方便。如果一旦收了機，再發現有問題的話，就要再約上門檢查、再約收機換機，動輒需要兩個星期或以上，手續會繁複好多，費時失事。當然程序上不同店舖會有異，事前必須先多了解。
現時最入門的 4K 電視大概 5、6 千元左右都有交易，不過通常功能比較基本，面板同畫質亦都比較「入門」。想要有比較好的表現，又不想花太多錢的話，一萬元左右的「高階入門」機或者中階機是性價比較為好的選擇。以下推介的幾部，在 AV Life 都有買機優惠，貼近甚至低於萬元水平，不妨參考一下。
★
 |
LG55UK7500LG 今年新推出的入門 4K 電視系列，已經配備第二代 Nano Cell 顯示技術，提供廣闊的可視角度同色域。超亮度提升技術可以延展更佳對比度，另外亦都配備了 4K Active HDR 技術，支援自家的 HDR10 Pro 同 HLG Pro 功能，可以進一步提升 HDR 效果。運行 webOS，可以提供一系列進階 Smart TV 功能。 售價：$11,280 |
★
 |
SharpLC-60S50H一萬蚊都可以買到 60 吋 4K 電視，LC-60S50H 採用了日本製造的液晶面板，搭載了 UV 光配向技術，減少漏光、提升色彩表現。支援 Rich Colour 廣色域技術，亦都配備了 智能系統及 Sharp 專屬商店。雖然並未支援 HDR，不過對於有限預算之下想有 4K 大畫面，依然係不錯的選擇，而 Sharp 的屏幕質素亦都有保證。 售價：$14,990 |
★
 |
SonyKD-55X7500FSony 今年新推出的入門 4K 電視系列，已經配備了 4K X-Reality PRO 影像處理技術，支援 HDR10 及 HLG。仍是採用 Android TV 系統（再低一級的 X7000F 就已經係用返簡約版的 Smart TV 系統），擴充功能選擇會比較豐富。 售價：$10,490 |
★
 |
SamsungUA55NU7100JXZKSamsung 今年的 4K 智能電視 NU7100 系列 55 吋型號，支援 HDR、配備 PurColor 純淨色彩技術以及超高清光暗調校技術。薄身設計而且線材可以方便地通過機背預先設計好的線槽，經底座後面統一走線，更加美觀簡潔。 售價：$9,480 |
電視的售價通常同畫面大細成正比，畫面愈大、價錢愈貴，不過特大畫面電視通常賣的量比較少，而且舊型號「劈價」通常好勁，有需要的朋友都可以留意一下，因為配合現時 4K 的解像度，的確影院效果更加出色。另外，由於這類大畫面電視通常好少陳列出來，大家有時未必知道有甚麼型號，今次就同大家介紹返其中一部分 AV Life 可找到的選擇。
★
 |
LG105UC9如果話弧形屏幕要大尺寸先有戲院效果的話，LG 105UC9 就絕對足夠，有成 105 吋的巨形畫面。採用了真實影院格式 21:9 CineVu，加上 IPS 5K 屏幕，雖然係過百吋的畫面但解像度依然足夠。配備了 7.2 聲道 150W 的喇叭輸出，真係一部電視就已經係一個影院。 售價：$938,800 |
★
 |
LG86SJ9570LG 上年的 86 吋特大尺寸型號，不過就已經支援 Dolby Vision，而且採用了 Nano Cell 技術，可以提供廣闊的可視角度同色域。另外亦內置了 harman/kardon 音效，採用了 webOS 3.5m 系統。 售價：$166,680 |
★
 |
SonyKD-75X8500F、KD-85X8500F屬於 Sony 今年新的中高階 X8500F 系列，有 75 吋同 85 吋選擇。採用 Android TV 系統，配備了 4K HDR Processor X1 處理器，支援 HDR10 以及 HLG，配備 4K XReality PRO 技術提升影像清晰度以及 Motionflow XR 800 提升動態畫面流暢度。 售價：$39,990（75 吋）、$109,990（85 吋） |
★
 |
SamsungUA82NU8000JXZK、UA75NU7100JXZK上面介紹過的 Samsung NU7100 系列最大尺寸可以去到 75 吋，由於屬於較入門的系列，所以雖然係特大畫面，價錢依然會稍為實惠。而高階的 NU8000 系列最大就有 82 吋，支援最新的 HDR10+ 技術，可以獨立優化每個場景的 HDR 效果。亦都配備了 Ultra Slim Array，通過精準的背光控制來獲得更佳的對比度。支援 Dynamic crystal colour、遊戲模式、Smart TV 等功能，附送 One Remote Control 遙控器。 UA82NU8000JXZK UA75NU7100JXZK |
請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。
