【視聽展 2016】焦點影音示範：有得睇 4K HDR、有得聽 15.2.10

編輯推薦

家居影音

【視聽展 2016】焦點影音示範：有得睇 4K HDR、有得聽 15.2.10

2016年08月05日
熾
Chris

8 月視聽展開鑼，今年大排長龍、人頭湧湧的繼續係米樂影音同 Asia Theatre 兩個展廳。雖然係「視聽展」，不過主要以音響為主，兩個展廳除了是較少有的家庭影院體驗區之外，規格更加相當頂級，入開場點都要去體驗一下，視聽展第一日小記當然即刻去「捧下場」，唔知今年有乜睇頭！

米樂影音：15.2.10 頂級環繞聲

今年米樂影音繼續以 Trinnov 的 Altitude32 打造 15.2.10 的超級家庭影院供大家試聽，展廳面積約 7.5 x 6 米，比上年略細了少許。不過因為有上年的經驗，加上這段時間一直在國內做巡演，所以負責人 Ricky 都話今年的效果絕對做得比上年更好。今次展廳做了更多 sound treatment，加入了大量吸音板，地毯亦比上年稍厚。睇咗《蝙蝠俠對超人》等幾段試片，15.2.10 的音場細節相當豐富，方向感一流，加上吸音做得好，撞聲情況比上年少好多。不過由於時間關係，音效都係初步調試好，同往年情況一樣，愈後去體驗聲愈調節同煲得靚，聽日同後日去睇的朋友一定更有「耳福」。

8 月視聽展開鑼，今年大排長龍、人頭湧湧的繼續係米樂影音同 Asia Theatre 兩個展廳。雖然係「視聽展」，不過主要以音響為主，兩個展廳除了是較少有的家庭影院體驗區之外，規格更加相當頂級，入開場點都要去體驗一下，視聽展第一日小記當然即刻去「捧下場」，唔知今年有乜睇頭！

現場試《蝙蝠俠對超人》對打一段，雨聲密度相當高，而且打鬥場面拳打腳踢、撞擊爆炸的方向感都相當好，今次吸音做得幾好，少了往年撞聲的情況，不過示範時音壓稍為調低了少少，相信聽日或者日後去聽就更靚聲。

仲試了一段大陸春節晚會電視節目的 Dolby Atmos，原來內地電視節目都開始有呢種音效，今次由於係配樂後製，所以天花特效特別明顯，加上 10 隻天花喇叭，聲音走位十分細緻。不過不同時段睇不同片，大家未必同小記一樣睇到這些片段。

投影幕用到 Visione 的 170 吋，配合 Epson 的 LS10000 投影。

15.2.10 系統以 Trinnov Altitude32 配合自家後級同 Procella 後級打造。

今次展廳兩邊和後面牆身都做了更多 sound treatment，環繞喇叭方面就用到 Procella 的 P6 同 P5，總共有成 12 隻。

原本有新的 V18，不過未開聲，所以超低音仍是由兩隻 Procella P18 負責。

上年都已經係用 Epson LS10000 做示範，經過一年依然亮度足夠，170 吋畫面睇落相當震撼。

展廳上方兩排共 10 隻 P5 天花喇叭，相當壯觀，一般家居無機會裝成咁，入場就梗係要試聽下。

Asia Theatre：40 萬終極家用 4K HDR 投影

另一熱門場地當然就係大家熟悉的「S426」Asia Theatre 展廳，同往年場內逼爆的情況不同，今年採取了特別的「人流管制」措施，每場只限 30 人、全部都係坐位，不設企位，同到場的朋友可以真正享受到高質素的環繞聲。今次 Asia Theatre 以 Datasat RS20i 配合 Wisdom 喇叭打造了 7.1.4 Dolby Atmos 系統。中間「皇帝位」設有一張 D-BOX 座椅，因為只此一張，想坐的話就要排隊霸頭位了。投影畫面用到了 Stewart 的 180 吋投影幕加上 Sony 價值 40 幾萬、現時最頂級的家庭影院投影機 VPL-VW5000ES，仲有 UHD Blu-ray 播放 4K HDR 畫面示範，雖然小記之前已經睇過，不過今次再睇依然覺得靚得好緊要！