機身小升級 支援 Phono 更全能
今次 AVR-X2500H 機身前面板經過重新設計,更接近高階機的外形,靚仔了一點。同上代一樣係 7.2 聲道,每聲道提供 150W 輸出,後置聲道可以自由配置,作為後中置、或者天花聲道輸出都可以。支援 Dolby Atmos、DTS:X 以及 DTS Neural:X 音效,今次更新增了 DTS:X 的 2.1.2、3.1.2 以及 4.1.2 模式,喇叭安裝可以更靈活。機身設有 8 入 2 出的 HDMI,全部都支援 HDCP 2.2 以及 4K/60P、Dolby Vision、HLG 的 HDR 等最新影像規格。今次 AVR-X2500H 都順應了近年的黑膠潮流,加入返 Phono(MM)輸入,加埋 Zone 2 輸出、支援 Bi-Amp 等設計,在接駁同設定方面可以話好靈活,無論睇戲定聽歌都適合。