設計與佩戴:體型較大但舒適穩固 劇烈運動都不怕鬆脫
大家無睇錯,今次試 SoundSport Free 的時間長達一個月,可算長時間使用報告,包括日常返放工、去健身室、落街跑步都戴住。SoundSport Free 的體型在真無線耳機當中都算比其他牌子偏大少少,主要是因為電量多了以及要容納新的天線設計加強接收,不過少了線材束縛之後,其實用落幾就手。StayHear+ 的設計、一放入耳仔再一扭,伸展翼會自然扣住耳殼,就算快跑、跳躍都無試過甩耳機的情況,最多都係鬆開少少,戴得好穩固,值得一讚。跟機會有大、中、小 3 個尺寸的耳塞提供,就算耳仔偏大、偏細都唔怕。