此電郵之前已成功登記!
你已成功訂閱 Spill Paper!
Follow Us

想屋企睇戲享受到靚聲音效,除了 Soundbar、套裝機之外,用 AV 擴音機組建一套環繞聲組合,會更加靈活、功能亦更豐富。而最重要的是即使入門機款,近年新機的音效表現亦已十分出色。如果未玩過 AV 擴音機,覺得複雜又無從入手,睇完今次專題或者會覺得「其實唔難」。

2

選購、設定話咁易 AV Hospital 院長分享 AV 擴音機入門貼士

2017年01月20日

對於未接觸過 AV 擴音機的朋友,選購、設定有時難免有少少無從入手,我地今次就找來了 AV Hospital「院長」Alan 同大家分享下選購器材時要留意的地方,院長仲會介紹常見的基本設定、擴音機和喇叭設置的小 tips。

對於未接觸過 AV 擴音機的朋友,選購、設定有時難免有少少無從入手,我地今次就找來了 AV Hospital「院長」Alan 同大家分享下選購器材時要留意的地方。

新客由零開始原因多

院長話做了咁多年,其中都有不少客人是由「零」開始,完全無接觸過 AV 擴音機、影音器材,行入嚟問有咩機推薦、自己要求咩、要點玩,除了男士之外,連家庭主婦都有。「呢啲新手用家買機的原因多種多樣,有的是屋企換了 4K 電視、想音效方面都升級一下;有的是屋企 Apple TV、機頂盒等等太多器材,電視的輸入唔夠用;甚至是想兼顧吓聽歌、聽吓黑膠而要買擴音機都有。」所以院長都話,有需要就可以買,擴音機上手、接駁、設定其實都唔難。

對於未接觸過 AV 擴音機的朋友,選購、設定有時難免有少少無從入手,我地今次就找來了 AV Hospital「院長」Alan 同大家分享下選購器材時要留意的地方。

3D、Atmos 帶來換機潮

至於升級用家,院長都話近一兩年多了客人換機。「早幾年是因為 3D 的熱潮,需要 HDMI 支援 3D pass-through。近一兩年就係因為 4K 同 Dolby Atmos,要玩到新軟件、新的影音格式,所以要升級器材。」有更好的影音享受,對用家同市場來講都是好事,不過院長都講,規格同標準轉得太快,對用家來講有好有唔好,變相換機要換得更密先可以玩到新嘢。

對於未接觸過 AV 擴音機的朋友,選購、設定有時難免有少少無從入手,我地今次就找來了 AV Hospital「院長」Alan 同大家分享下選購器材時要留意的地方。
近年的入門、中階擴音機功能升級跟得好快,好似 Pioneer VSX-1131 就已經支援齊 Dolby Atmos、DTS:X 音效、Hi-Res 音樂播放、TIDAL、Spotify 等等,新功能基本上都有齊。

規格更新快、入門同中階機更抵玩

「以前一套旗艦前後級可能 4、5 萬蚊,但係一轉新影音格式,舊機就變咗唔支援,雖然是頂級用料同規格,但係變相享受唔到最好、最新的影音效果。」所以院長都建議新手或者進階玩家,買機唔使「一步到位」,一萬元樓下的中低階機款會更抵玩,「換機唔使咁肉赤之餘,亦都可以跟貼玩到 Dolby Atmos、4K 或者日後其他最新的影音格式,加上近年中階甚至入門機,都更新到最新的影音功能,感覺上比起以前更加抵玩。」不過當然都要考慮返使用的空間大細,要應付大空間的話可能都要中高階機款先可以提供到足夠的音量同控制力。

院長的校機 Tips:搵最爆得的一段試

講到校機的竅門,院長就話:「其實環繞聲的調校都係調節返喇叭的距離、輸出音量等等參數,不太熟手的入門用家可以用收音咪度聲、再做自動調校,自己就習慣靠睇碟來校聲。」院長再補充「因為每套戲最適合的播放音壓其實都唔同,甚至低音量、其他聲道比例都會有唔同。自己校機就會搵套戲最爆得的一段來試一試先,睇吓低音要幾多、環繞聲道又要幾多,靠自己人手校同耳仔聽就最準,通常最爆得一段啱聲,其他部分都自然 OK。」

對於未接觸過 AV 擴音機的朋友,選購、設定有時難免有少少無從入手,我地今次就找來了 AV Hospital「院長」Alan 同大家分享下選購器材時要留意的地方。

喇叭可投資多一點

至於擴音機同環繞喇叭的「投資比例」,院長就話對入門用家來說,喇叭大約是擴音機一兩倍價錢都可以。「喇叭佔了整個系統 5、6 成的聲底,如果喇叭好聲的話,就算配 3、4 千蚊的入門機都可以有唔錯的效果。」另外,院長就話唔使太分 Hi-Fi 喇叭同 AV 喇叭,「其實喇叭靚聲的話用來睇戲都自然會好聲,甚至 Hi-Fi、座地喇叭效果會仲好。」不過院長都提醒用家,最緊要自己試多啲,「超低音擺位、各聲道輸出等等,反正器材响度,改吓設定、一試無妨。」最後院長就話,「可能大部分用家都比較重視前置同超低音,其實後置聲道都好重要,香港由於家居環境所限,用家有時會習慣將後置喇叭擺得太近,其實拉遠少少喇叭距離,可以令空間感好好多,記得試吓。」

想瀏覽更多 SPILL 視聽專題,請即按 https://www.spill.hk/features/

緊貼最新資訊,請讚好 SPILL Facebook 專頁

專題: 擴音機入門必讀

你可能感興趣的文章