支援 CD、藍牙、網絡串流
Sonoro Prestige 繼續照顧了實體唱片的用家,配備吸入式唱盤、支援 CD 播放。此外也內置了網絡功能,可以通過 LAN 或 Wi-Fi 連接網絡,支援 Spotify、網絡電台、DLNA、UPnP 等功能,而通過配套的 UNDOK 手機 App 就可以方便地控制 Prestige 播放手機、NAS 等不同裝置的音樂以及設定不同訊源,亦都最多可支援 5 隻喇叭組成 multiroom 系統。如果有時貪方便想用藍牙播歌都可以,Prestige 支援較高音質的 aptX 編碼。此外,比較特別的是藍牙除了接收之外仲可以傳送,有時不想打擾別人,或者深夜時分,用家可以連接藍牙耳機聽歌,以 Prestige 作為純播放器使用都得。另外亦都設有 3.5mm、RCA 及光纖輸入,輸出則有 3.5mm 耳機及 RCA,雖然係一體機但接駁都幾齊全。