雖然不少新一代的 4K 電視以及 Nvidia Shield 等機頂盒都已經支援 Netflix 的 4K 影片串流，不過對於習慣用電腦睇戲睇劇的朋友，無得在 PC 上睇始終不夠方便。Microsoft 最近就公佈了，在 Windows 10 上的 Edge 瀏覽器將可支援直接串流睇 Netflix 4K，不過硬件方面就有少少限制。
雖然不少新一代的 4K 電視以及 Nvidia Shield 等機頂盒都已經支援 Netflix 的 4K 影片串流，不過對於習慣用電腦睇戲睇劇的朋友，無得在 PC 上睇始終不夠方便。Microsoft 最近就公佈了，在 Windows 10 上的 Edge 瀏覽器將可支援直接串流睇 Netflix 4K，不過硬件方面就有少少限制。
要在電腦上享受到 Netflix 的 4K 串流畫面，首先用家當然要是 Netflix 的 4K 付費用戶，電腦亦要配備一個 4K 或以上解像度的屏幕。而除了 Windows 10 同 Edge 瀏覽器之外，最重要一樣就是要採用 Intel 第 7 代的 Kaby Lake 處理器。因為 Netflix 的 4K 串流現時使用 10-bit HEVC 編碼，暫時 Intel 第 6 代 Skylake 處理器只支援到 8-bit HEVC 解碼。所以看來要等明年桌面版 Kaby Lake CPU 正式發售，先比較多人可以在電腦玩到 Netflix 4K 串流。
至於用其他瀏覽器，即使日後換上新 CPU 都暫時未能播到 Netflix 4K。因為為了避免 4K 視訊被盜錄，Microsoft 在 Windows 10 的年度升級內加入了「PlayReady 3.0」的 DRM（Digital Rights Management）數碼版權管理系統，暫時就只係得 Microsoft 的 Edge 先至支援。另外，Nvidia 的 10 系顯示卡，例如 GTX1080、GTX1070 和 GTX1060，雖然都支援 10-bit HEVC 解碼和 PlayReady 3.0，不過在兼容清單上都無份，所以最後都係要等 Intel 第 7 代 CPU 先得。
緊貼最新資訊，請關注 SPILL 的 Facebook 專頁、Instagram 帳戶及 YouTube 頻道。如欲訂閱 SPILL Paper 電子通訊可按這裡。
