入門機有齊 Dolby Atmos 同 DTS:X
雖然上年都已經有入門機支援 Dolby Atmos,不過有埋 DTS:X 就相對較少。今次 VSX-1131 其實都要等 9 月升級 firmware,不過反正而家 DTS:X 暫時都只係高階機「專利」,未有入門機支援,所以都唔算處於劣勢,反而知道個「升級時間表」幾好(9 月時應該有比較多 Blu-ray 可玩到 DTS:X 吧?)。7.2 聲道設計、每聲道 160W 輸出,測試的時候大約二百幾呎的空間都好夠力,一般中型客廳都算夠用。可以駁做 5.1.2 輸出,又或者唔用天花喇叭用後中置,駁 7.1/7.2 都得。