在高解像度廣播方面，日本一向走得好前，好早就開始了 4K 甚至 8K 影像數碼廣播的試驗。早前 NHK（日本放送協會）就聯同大型電信商 KDDI 進行了新實驗，試下以一個光纖網絡傳送多個 8K 視頻、達成可以多個角度顯示，第時睇 8K 世界盃就可以自己任揀想睇的畫面同角度。

今次 NHK 利用了 KDDI 的次世代光纖網絡，可以提供高達 10Gbps 的頻寬，成功進行了全球首個多頻道 8K 視頻傳輸的實驗。通過 KDDI 最新的光纖網絡，多達 10 個頻道的 8K 訊號可以穩定地傳送到 KDDI 的 10G OLT（Optical Line Terminal），再回傳送 NHK 的放送技術研究所。至於用途方面，正如前面所講，在廣播運動節目時除了可以 8K 解像度收看之外，更加可以自行選擇不同的觀賞角度，不過要普及到真正民用，就唔知要到幾時了。