Marantz 新一系列的 AV 擴音機開始陸續抵港，而率先登場的就是薄身機款 NR1607。今次新機屬於 NR1606 的小升級後繼版，功能同前作差別不大，不過硬件上有少許優化。「咁聲效咪冇咩分別？」筆者初頭都以為係咁，不過一開聲又聽到唔少分別，至於有咩提升？以下會同大家逐一分享下。
Marantz 新一系列的 AV 擴音機開始陸續抵港，而率先登場的就是薄身機款 NR1607。今次新機屬於 NR1606 的小升級後繼版，功能同前作差別不大，不過硬件上有少許優化。「咁聲效咪冇咩分別？」筆者初頭都以為係咁，不過一開聲又聽到唔少分別，至於有咩提升？以下會同大家逐一分享下。
市面上的薄身 AV 合併機選擇比較少，所以 Marantz NR160X 系列一向都幾受歡迎。適合擺放器材有限制，例如器材櫃較矮身的用家，玩到環繞聲之餘又享受到 Marantz 的兩聲道調音。今次 NR1607 比起上代功能上差不多，同為 7.1 聲道設計，每聲道提供 100W 輸出（6Ω），支援 Dolby Atmos 的 5.1.2 配置，亦會支援 DTS:X，不過新機要等到 9 月先有得升級 firmware，NR1606 等舊機就預計 7 月就有得升。7 入 1 出的 HDMI 端子全部為 HDMI 2.0、支援 HDCP 2.2 規格，換言之播 4K/60P、HDR、3D 等內容都無問題，可以話照顧周到。
新機亦同樣內置了藍牙及 Wi-Fi，改用了新的 Wi-Fi 模組，今次會支援 2.4GHz 及 5GHz 雙頻，無線接駁會更穩定。音樂播放繼續支援 MP3、WAV、AAC、AIFF、ALAC 等，還有 24bit/192kHz 的 FLAC。DSD 播放功能有所加強，由原本只支援 2.8MHz、增加了 5.6MHz 的支援。繼續有 AirPlay 同 Spotify Connect，可以用 iOS 及 Android App 遙控擴音機，更會支援稍後公佈的付費 App 「Audyssey Remote App」，音效調校會更方便。
Specifications
今次 NR1607 功能同選單同上代差不多，不過在細節方面就有優化，照顧用家需要。例如為了應付 4K 片源 Lip Sync 進一步延遲的問題，就將聲畫同步的調校範圍增至 500ms，其他選單指示方面亦較以往清晰。
話說筆者上次試部 Marantz NR1606 一樣是在 D&M 的 showroom，不過今次器材就已經全面更新，前中置改用了 JBL 的 Studio580 同 Studio520C，超低音就變成雙 JBL ES250P，佈局就大致一樣，都係試 5.1.2。
測試器材列表：
由於試機時間有限，所以筆者就用最簡單直接但係最有效率的方法來試，就係試《Dolby Atmos Demo Disc》，由於聽慣聽熟的關係，基本上試幾 cut 已經知道部機「咩料」。今次 NR1607 一開聲幾有驚喜，試〈Leaf〉一段飛蟲鳴叫聲，即刻覺得音場做得比以往更闊更像真，風吹草動聲更加細緻，而且由左後方飛去頭頂一段，天花音效闊咗相當多，以 2 組天花喇叭做到少少 4 組天花喇叭的效果，值得一讚。在硬件和處理上的微調似乎「有啲料到」，雖然功能同規格冇大改，不過進步幾明顯。
5.1.2 或者 5.1.4 的缺點是處理稍大的空間的話，後方音效容易連貫性不足。仲記得上次試 NR1606 時都有呢個情況，而今次 NR1607 都有明顯改善。試〈Amaze〉一段，雀仔環繞一周，基本上只有正後方有少少斷聲，個聲效「圓周」畫得相當靚，定位亦都相當準。同之前試〈Leaf〉飛葉環繞一圈時的表現一致，以入門機來講表現算相當不錯。
最後試一試 demo 碟《星戰》遊戲一段，爆一爆睇吓效果如何。的確礙於功率所限，NR1607 輸出的動態會稍稍弱一點，中高頻處理依然恰到好處、人聲夠清而且質感幾好，係低頻幾吓大爆炸會覺得量感夠，但衝擊力未算十足，加上對 JBL ES250P 仲新新地、未完全開聲，令低音分析力再打了一點折扣，算是僅僅合格。比起上代？NR1606 的低頻再軟一點，NR1607 就比較硬朗少少，其實依然有提升，不過就冇音場同分析力提升咁明顯。
撇除冇 Dolby Atmos，其實《星球大戰：原力覺醒》Blu-ray 的 DTS-HD MA 音效係幾靚聲的，今次就用來試一試 up-mixing 效果。現時 NR1607 的 up-mixing 依然有限制，要 Dolby TrueHD 先可以 up-mix 返去 Dolby Surround。所以今次就用 Blu-ray 機解 DTS-HD 做 PCM，再用 Amp up-mix 做 Dolby Surround，雖然有少少轉折，不過起碼玩到。而實際效果方面都算唔錯，推了一層天花聲效出來，千歲鷹响左上方剷過的音效都即刻立體咗。不過音壓會低一截，要稍為推高輸出，而動態亦會有少少減弱。
相比起上代的 NR1606，今次 NR1607 的規格同功能其實無大改，升級主要集中在細節的完善同優化。雖然貌似改動不多，不過最緊要有效果。事實上 NR1607 的提升幾明顯，尤其在音場同細緻度方面一開聲已經聽到分別，要形容的話，呢部先係薄身入門系列的「完全版」，各方都兼顧得更好。
緊貼最新資訊，請讚好 SPILL Facebook 專頁。
