左抄右抄的堆砌機?
其實 Nikon Z 的機身相噚日已經流出,唔知大家睇完之後印象係點?作為 fans,筆者一向好鍾意 Nikon 單反的設計,不過今次對 Z 的感覺大概就係 Nikon 加 Canon 加 Fujifilm 的混合物,手柄有 Nikon 單反的特色,正面上半部分似足 Canon M 系列,頂部又有幾分似 Fujifilm X-H1,不算醜樣,但不太協調。不過其實近年的新機,除了 Fujifilm 和 Olympus 有復古元素的設計比較多人讚之外,Canon 也好、Sony 也好,都係被嫌醜樣居多,結果都係一樣大賣,所以外表有少少「四不象」其實無關痛癢,最重要的還是內涵(以及營銷、宣傳、鏡頭配套、配件、副廠選擇等等)。