此電郵之前已成功登記!
你已成功訂閱 Spill Paper!
Follow Us

無 4K 但有 HDR 樂視 X43 三千有找仲有「零機價」

2016年06月16日

根據最近試機的經驗,比起 4K 解像度,HDR 的高動態範圍效果對畫質的提升其實更加明顯。樂視最近就推出了第四代超級電視 Series 4 的 X43,新型號雖然只有全高清解像度,不過就支援 HDR,最重要係 43 吋電視售價只係 $2,999,連埋買影視 Plan 仲有「回贈」,「零機價」都仲得。

樂視最近就推出了第四代超級電視 Series 4 的 X43,新型號雖然只有全高清解像度,不過就支援 HDR,最重要係 43 吋電視售價只係 $2,999。

採用 LG 面板、支援 HDR

X43 採用了 LG 的全高清面板,支援 HDR 高動態範圍畫面,可以將 RGB 三原色由 256 級亮度提升至 1,024 級,令畫面獲得更好的光暗層次。雖然只有 1920x1080解像度,不過 $2,999 的價錢,絕對是現時平的 HDR 電視。雖然價錢平,不過樂視的電視系列一向硬件都相當強勁,今次 X43 都唔例外,配備了 1.7GHz 64bit 四核心處理器、Mali T820 旗艦級 GPU、3GB RAM + 16GB ROM,裝 App、播片都可以好順。

樂視最近就推出了第四代超級電視 Series 4 的 X43,新型號雖然只有全高清解像度,不過就支援 HDR,最重要係 43 吋電視售價只係 $2,999。
兩邊座檯架的設計唔太方便,好彩 43 吋都唔算太大,不過機身就的確幾薄。

買兩年體育組合「零機價」

X43 也採用了全新 EUI 5.8 系統,具備 LIVE 桌面功能,九個畫面中兩個畫面可實時顯示,方便選擇想睇的直播節目。機身採用了金屬一體化設計,厚度只有 8.9mm,相當薄身。今次 X43 同之前一樣都會推出買影視 Plan 回贈機價優惠,多買多回贈、買夠兩年 $4,980「超級體育組合」就會送一部 X43 以及 Le TV Box(4K 標準版),買「超級影視會員套餐」就要 5 年($4,949)先有機送,詳情可參考返 LeMall.com

售價:$2,999
查詢:樂視(3956 6666)

你可能感興趣的文章