VSX-831 是 Pioneer 最新推出的入門機，定位在剛剛測試了的 VSX-1131 之下，在 VSX-531 出來之前算是現時新系列當中最入門的一部。筆者其實幾怕試完高階機再試低階機，因為「珠玉在前」，難免有「跌 watt」的感覺。雖然事實上 VSX-831 的輸出 Watt 數的確低過 VSX-1131，不過估唔到表現都依然有驚喜。 【詳盡介紹】Pioneer VSX-831：至抵玩音樂串流入門 AV Amp
VSX-831 是 Pioneer 最新推出的入門機，定位在剛剛測試了的 VSX-1131 之下，在 VSX-531 出來之前算是現時新系列當中最入門的一部。筆者其實幾怕試完高階機再試低階機，因為「珠玉在前」，難免有「跌 watt」的感覺。雖然事實上 VSX-831 的輸出 Watt 數的確低過 VSX-1131，不過估唔到表現都依然有驚喜。
VSX-831 是 5.2 聲道設計，換言之可以駁兩隻獨立超低音喇叭，不過大部分中小尺寸的聆聽空間其實都唔太需要。5 個聲道就是前、中、後置，少了 VSX-1131 的額外兩個聲道做後中置/天花喇叭，對梳化貼牆擺放，又唔可以裝天花/反射喇叭的用家來說，5 聲道算是剛剛好。每聲道 130W 的輸出在 200 呎空間之內使用仍算夠力，再大就較為勉強，所以規格都幾適合空間有限的入門用家。
雖然就唔支援 Dolby Atmos 同 DTS:X，不過 VSX-831 都支援「高清」音效 Dolby TrueHD 和 DTS-HD MA，就算播新碟都仲係有較靚的環繞聲選擇。音樂檔案的兼容性對入門機來說是出乎意料地強，配備了高階的 32bit/384kHz AK4458 DAC，可以播放 DSD 2.8MHz/5.6MHz、最高 24bit/192kHz 的 FLAC、WAV、AIFF、Apple Lossless 檔案，而且無論用 USB 或者網絡 DLNA 都播到，即係 Hi-Res 音樂擺 NAS 或者電腦都可以直接播。
至於網絡串流功能方面，呢部入門型號基本上同高階機完全睇齊，內置 Wi-Fi 同藍牙，到手的 VSX-831 已經支援 AirPlay、Spotify，等多兩三個月就有得升級埋 TIDAL、Google Cast 同 FireConnect，以 4 千元的機款來說是現時絕無僅有的選擇。畫面處理同高階機都冇咩分別，有齊 4K/60P、3D、兼容 HDCP2.2、對應 HDR 內容，此外還有 Super Resolution 4K 增線技術，以往好難想像入門機都有 4K 增線，而家 Pioneer 幾乎全線機款都配備。
同 VSX-1131 一樣，VSX-831 都採用了全新的 menu 介面，更靚之外反應亦都比以往快。功能方面其實同前者大同小異，主要分別在於聲道設定方面少了兩組輸出，其他基本上一樣。
音效測試部分一樣以 MCACC 做自動調校，之後再根據 Test Tone 微調輸出，最主要仍是將超低音的距離修正以及輸出推高約 3-4dB，預設的低音稍稍不足，推高之後基本上可以平衡各個音頻。
測試器材：
新鮮滾熱辣到手的《星球大戰：原力覺醒》當然就要即刻試試，男女主角搶了千歲鷹逃走一段相當多追逐場面，十分適合用來試定位。雖然 VSX-831 只係駁 5.1 輸出，不過估唔到聲效走位一樣相當準，尤其千歲鷹由上方飛過時都做到少少空中音效（當然後置喇叭要放於耳平稍高位置），平面飛過時更加相當立體，值得一讚。
雖然是入門機，不過 VSX-831 都保持到 Pioneer 一貫清晰準確的風格，人聲還原度好、清晰度高，對睇戲來講相當重要。同樣是試《加州大地震》初段救援一幕，引擎聲下的人聲依然分明，不過低頻的力度就的確稍稍不及高階機款，尤其同山壁的碰撞會感覺不夠埋身，當然同少了天花聲道亦有關係，環境的風聲同引摩低頻的包圍感爭少少。
最後試一試音樂播放，其實在 6、 7 月升級 firmware 之前，VSX-831 的串流功能只有五成「功力」，唯有之後再試。今次主要睇下音質表現，所以用 DLNA 功能播放 24bit/192kHz 的《Hotel California》。同播電影時的聲效幾一致，以 Pure Direct 模式播歌一樣係清爽風格，音樂乾淨自然，聽《Hotel California》會稍欠味道，不過就幾適合呢類喜歡中性聲音的用家。
雖然只係 5.1 輸出，不過 VSX-831 的音場定位都做得幾準，聲音爽快。係力水爭少少，比較適合中細尺寸的空間，用落 100-150 呎較好。反而新機幾啱預算有限，間中睇下戲、主力串流聽下歌的用家，因為升級 firmware 功能真係好齊，聽開 TIDAL 又想用兩聲道喇叭播的用家，呢個算係最抵玩方案之一。
Pioneer VSX-831 主要規格：
緊貼最新資訊，請讚好 SPILL Facebook 專頁。
