藍牙、RCA、USB、3.5mm、Phono 輸入有齊
Blue Aura 係一個幾新的牌子,阿熾都係第一次試Blue Aura 的產品,這個來自英國的品牌 2010 年先至創立,所以先得「7 歲」。不過品牌本身係由一群在英國音響業界超過 40 年的專業人士創辦,致力將音響由笨重難操作的設備變成能融入生活的必需品。今次 V32 Blackline 支援藍牙無線播歌,並且採用較高音質的 aptX 編碼,機身設有 RCA、USB、3.5mm audio 以及 Phono(MM)輸入,當中 USB 接駁電腦更支援 24bit/96kHz 的 Hi-Res 音樂解碼,接駁同功能都幾齊全,而且操控幾方便容易,雖然外表似傳統膽機,不過的確做到融入生活的易用設計。