漫畫英雄電影向來受歡迎，兩個漫畫英雄碰頭，吸引程度是否就會倍增？《蝙蝠俠對超人：正義曙光》在上映的時候掀起全城討論，極具話題性，如果你冇睇到，下個月影碟推出之時，就唔好錯過了。睇過嘅朋友，心裡面應該仲有好多疑問，亦不妨找來重溫。不過，一口氣有成 7 個不同影碟版本，究竟有咩分別，又應該點揀好？
漫畫英雄電影向來受歡迎，兩個漫畫英雄碰頭，吸引程度是否就會倍增？《蝙蝠俠對超人：正義曙光》在上映的時候掀起全城討論，極具話題性，如果你冇睇到，下個月影碟推出之時，就唔好錯過了。睇過嘅朋友，心裡面應該仲有好多疑問，亦不妨找來重溫。不過，一口氣有成 7 個不同影碟版本，究竟有咩分別，又應該點揀好？
最「基本」的版本，為了「內容」（即係部戲）而買，對畫面、音響效果要求不高，DVD 會是個最經濟實惠的選擇。不過，《蝙蝠俠對超人：正義曙光》假假地都係部大製作，睇 DVD 嘅感官享受點都差一截。最重要係，DVD 只有原裝上映版本（Theatrical Edition），萬眾期待的「終極版」有的 30 分鐘片段，DVD 係搵唔到的。
Blu-ray 畫面靚啲，亦會有 Dolby Atmos 音效，而且容量夠大，自然多啲嘢睇。除了原裝戲院版本（151 分鐘）之外，還有終極版（183 分鐘），多了 30 分鐘片段。另外亦包含超過 2 小時的特別收錄，計有：〈團結世界上的最好〉、〈神與人類：巨人之會議〉、〈神勇．神話．神奇〉和〈全新更快蝙幅俠車設計〉等等。
如果普通 Blu-ray 滿足唔到注重包裝嘅你，Digibook 版幾吸引。藍光碟本身內容和普通版一樣，但就會包含一本 64 頁的幻變封面精美印刷相集，換句話說，呢個版本有戲睇又有相睇，靚！
如果嫌一本相集都係太少，突出唔到你作為漫畫英雄電影迷的形象，Steelbook 限量版再勁少少。同樣，碟裡面的內容是沒有分別的，都是一碟終極版，加一碟電影版及特別收錄，但會額外送埋 Digital Copy 珍藏電影卡，可以根據指引下載電影到電腦或其他流動裝置，更加方便。包裝上是雙封面鐵盒，更加硬淨，亦更加有型。
這個版本最大的特色是有幻變封面，非常精美。而且是三碟包裝，有埋 3D 版本，即是 3D 電影版 ＋ 2D 終極版 ＋ 2D 電影版和特別收錄，可以話外觀又靚，內容又齊全了。
三碟版還有一個更 3D 的！影碟內容和「幻變封面三碟終極版」一樣，但就沒有幻變封面，不過會另送 ‘Soap Studio’ Mirage 3D figure 一隻，真正讓影迷擁有立體的蝙蝠俠或超人人偶一隻，而且每款全球限量 500 個，收藏價值超高。另外隨碟還加送幻變貼紙一個。
至於咩係 Mirage 3D 呢？其實可以配合 5 吋以上的手機玩。先下載「Mirage 3D」應用程式（iTunes 和 Android 都有），輸入盒中提供的獨立碼，下載人偶短片。然後將人偶放入 3D Holo set 內，把手機置於上面，再播放該段人偶短片，便會看到有趣的全息視覺效果，勁過癮。
相信一般 Blu-ray 版都滿足唔到影音玩家，像《蝙蝠俠對超人：正義曙光》這樣的大製作，當然都要出返隻 4K 版先似樣。更高清的畫質（比 Full HD 高 4 倍）、HDR 高動態範圍（光位夠光、黑位夠黑）、超闊色域，以及更豐富的層次和細節，再奄尖應該都會滿意吧？4K 版收錄的是終極版，是 3 小時的高畫質享受，另加一張 2D 電影版 Blu-ray，當中包含特別收錄。
7 個版本都會在 7 月 19 日與其他地區影碟同日發行！（留意返，Mirage Edition 為全球獨家版本，只於港澳地區發行，閃亮銀色人偶亦是特別為今次終極版影碟發行特別製作的，每款限出 500 個，千金難求，香港碟迷有福了！）
