《攻殼機動隊》真人版開拍的消息一傳出，動漫迷、電影迷都非常雀躍，雖然選角上惹來不少爭議，但畢竟原作太勁，其實拍成點都會睇㗎啦！加上有女神 Scarlett Johansson 演出，相信明年電影上映時，一定會掀起熱潮。

早前已有一些《攻殼機動隊》真人版的片段讓觀眾先睹為快，不過全部十秒八秒，完全唔夠喉。今晚終於有首條 trailer 睇，兩分半鐘長，可以止一止癮。電影版太多白人演員一直為動漫迷詬病，但預告片段中的場景、霓虹燈招牌，仍殘留一點點日本味道，未知大家又滿唔滿意？不過香港影迷更關心的，可能是能否從中看到點點香港拍攝地點？自己睇睇吧！（似乎都面目全非了⋯）

部分鏡頭和動漫版似乎差不多，至於有冇原作神髓，就留返畀大家判斷了！配樂是 Ki:Theory 的〈Enjoy the Silence〉，翻玩自 Depeche Mode 的經典，都幾突出。電影將於 3 月 30 日上映，比美國更要早一天！

請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。