「亞視永恆」的神話不再了，亞洲電視的大氣電波牌照將於 4 月 1 日到期。早前已獲得免費電視廣播牌照的香港電視娛樂有限公司，正式宣佈香港全新免費電視台 ViuTV 將於 4 月 6 日正式透過大氣電波與香港觀眾見面！

大家最關心梗係有乜節目好睇喇，該台主打節目包括《跟住矛盾去旅行》，與水火不容的死敵團友一起去深度旅行，重頭戲將會是立法會主席曾鈺成與長毛梁國雄這個組合；亦有拳拳到肉絕無刪剪的香港第一個全女班真人格鬥 MMA 節目《G1 格鬥會》；還有將人倫關係洗牌的非一般親子烹飪比賽《煮吧！換左我阿媽》及打破明星於觀眾眼中的揮霍形象的節目《Barter Game 價值連城》等等。當然也少不得自製劇集，「等緊開台劇」《瑪嘉烈與大衛》亦會有全新故事，周家怡及林保怡將會是全新的瑪嘉烈與大衛；亦會外購一線劇，如宋慧喬及宋仲基主演的《太陽的後裔》等，並附有繁體中文字幕、配音及原音選擇。此外，每日三個時段會播放 nowTV 新聞報導。至於體育節目方面，ViuTV 總經理魯庭暉表示，將會播放香港國際七人欖球賽，以及每個月直播一場西班牙甲組足球賽事。

節目相當豐富，咁 4 月 6 日，點先睇到 ViuTV 99 台呢？只要是 iDTV 就可以睇到，透過「自動搜尋頻道」功能重新搜台，就可以接收到 ViuTV 99 台的訊號。另外，觀眾亦可以瀏覽 ViuTV 網頁或於稍後下載手機程式重溫節目。

ViuTV 網頁：http://viu.tv/