決定觀賞距離的兩大要點

撇除畫質、功能、品牌等因素，同一個價錢之下，相信大家揀電視都係「有大買大」。不過有時也要考慮環境因素，除了「擺唔擺得落」之外，另一個比較多人擔心的問題是：距離太近，電視會否大得滯？或者距離太遠，電視會否太細？其實適合的電視尺寸同觀賞距離主要有兩個考慮因素：

1.

視線角度

如果坐得太近，或者畫面太大，要考慮的是能否將整個畫面納入視線範圍，如果用家對眼要左掃右掃先睇得到整個畫面，就會影響了觀影體驗；如果坐得太遠，或者畫面太細，望住電視之餘又難免將牆身或者周圍物件納入視線範圍，睇得不夠投入。根據 THX 或者 SMPTE（Society of Motion Picture & Television Engineers）的標準，人眼大約 30 度至 40 度的視角睇電視效果最好。較闊、畫面包圍感較強的 40 度視角，比較適合睇戲；窄少少、視角較舒服的 30 度，就適合普通睇電視、打機、煲劇；以 55 吋電視為例，因應視角而推薦的最佳觀看距離就大約為 1.7 至 2.3 米。

2.

電視的相對解像度

另一個考慮因素就是，電視解像度應付不到近距離或大畫面觀看，會睇到少少起格或者模糊的情況；這時候就要考慮是否距離太短，或者買得太大了。相反，如果坐得太遠睇，或者電視畫面本身細，有機會 4K 同 Full HD（3,840 × 2,160 vs. 1,920 × 1,080 解像度）睇唔出太大分別，就變成無必要買 4K。（不過以現時的市場情況，4K 電視選擇比起 1080p 多，而且價錢相差不太遠，所以都係會推薦大家買 4K 電視，因為就算本身距離遠，其實都可以坐近少少睇嘛。）

想瀏覽更多 SPILL 視聽專題，請即按 https://www.spill.hk/features/

【紙本突襲】

SPILL 特集第二擊《蝸居享樂》現已面世，請即到指定店舖免費索取，詳情請按此。

緊貼最新資訊，請讚好 SPILL Facebook 專頁。